Astebukaera honetan izango dira Floreagako festak. Gaur, mus txapelketa izango da Aitor tabernan 22:00etatik aurrera. Bikoteko 20 euro ordaindu beharko dira, eta irabazleek 100 euro eta txapel bana jasoko dute. Sariak lehen lau sailkatuentzat izango dira.
Bihar arratsaldean eskoba txapelketa izango da 17:00etan toki berean, eta 18:30ean, berriz, buruhandiak. 21:00etan afaria izango du nahi duenak eta ondoren erromeria Laja eta Andoni Larrañagarekin. Igande goizerako bolo txapelketa prestatu dute, haurrentzako (11:30ean) eta helduentzat (12:30ean). 15:00etarako puzgarria jarriko dituzte, 16:00etan jolas tailerrak eta 18:30ean buruhandiak.
Maiatzaren 1ean ere ez da festarik faltako. Eguna hasteko Floreagako kapilan meza egongo da 9:30ean. 11:00etan gurutzetxoko XXX. Krosa eta 14:00etan bazkari herrikoia. Bazkaltzea amaitutakoan, Laja eta Alabier egongo dira giroa alaitzen. 17:00etarako zezenak eta pottokak izango dira, eta festekin amaitzeko, berriz, buruhandiak 18:30ean.