Aste Santurako hainbat ekimen prestatu dute Azkoitian, erlijio kutsudunak guztiak. Igandean erramua bedeinkatuko dute eliz atarian 10:45ean, eta prozesioa egingo dute ondoren, meza nagusiaren aurretik.
Ostegunean, 17:00etan meza eskainiko dute Santa Klarako elizan, gaztelaniaz. 19:00etan, Jesusen afaria ospatuko dute mezan, eta 22:00etan gurutzearen gau otoitzaldia egingo dute. Ostiral santuan gogoeta bisitarako eliza irekiko dute, 9:00etan. 11:00etan gurutze bidea egingo dute. 17:00etan elizkizuna izango da, eta ondoren prozesioa. 21:30ean hilobira joko dute prozesioan, eta larunbatean 22:00etan gau beila.