Larunbatean eta asteartean kontzertuak izango dira Mataderoan

Datorren larunbaterako eta astearterako kontzertuak antolatu dituzte Azkoitiko Mataderoan. Larunbatean 20:30ean hasiko dira saioak. Japoniako Praha Depart taldeak eta N’toko abeslari esloveniarrak eskainiko dute emanaldia. Asteartean, berriz, Ingalaterrako Mugstar taldeak.
2004an Tokion sortutako taldea da Praha Depart, postpunk-alternatiboa lantzen duena. Hasiera batean gitarra-jotzaileak eta ahotsak osatzen zuten, baina urtebete geroago bateria gehitu zitzaien. N’Tokok hip-hop esperimentala egiten du. Moveknowledgement kolektiboko parte da, eta bakarka zein taldeka eskaintzen ditu kontzertuak. Nebukadnezar izena du azken lanak. Rock instrumentala jotzen du Liverpooleko Mugtsar taldeak.