Azkoitiko Tenis Openak txapeldun berriak ditu larunbatetik. Txerloiako pistetan jokatu zituzten XIX. Tenis Openeko finalak, eta ikusle ugari izan zen partidetaz gozatzen eta jokalariak animatzen.Gizonezkoetan, Imanol Argüesok 6/1 eta 6/3 irabazi zion Igor Zubizarretari. Beteranoen lehian, Iñaki Etxanizek 6/2 eta 6/4 gailendu zitzaion Juan Luis Illarramendiri. Emakumeen finalean Jaione Aramendi izan zen garailea, Txaro Vazquezi 6/1 eta 6/1 irabazita. Jon Letamendiak 4/0 eta 5/3 irabazi zion Ion Urreistiri, gazteen mailako finalean. Gaztetxoen banakakoan, berriz, Gorka Larrañagak 4/2 eta 5/3 irabazi zion Manex Rezabali. Azkenik, binakakoan, Gorka Larrañaga-Julen Olaizola bikotea 4/2 eta 4/1 gailendu zen Mikel Barquero-Manex Rezabal bikoteari. Binakako helduen finala jokatzeke dago.