Azkoitiko Matadeixek Bebarruko Jardunek jaialdia antolatu du, urtero bezala. Joseba Irazokiren eta Ana Cabezasen musika eta irudi ikuskizunak zabalduko ditu udaberriko jardunaldien ateak datorren larunbatean, martxoaren 25ean, 22:30ean. Datozen astetan, Erresuma Batuko The Oscillation laukotea (martxoak 29, 21:30ean), Fernalia eta Paralux gipuzkoarrak (apirilak 1, 22:30ean), eta Marci Bernacchia italiarraren Above the tree (apirilak 2, 22:30ean) folk musika oinarri duen proiektua ariko dira Matadeixen zuzenean jotzen.
Antzerkiari tartea
Bebarruko Jardunen egitarautik at ere izango da kultur ekitaldirik Mataderoan. Antzerki emanaldia antolatu dute martxoaren 27rako (igandea). 19:00etan hasita, Virginie Despentesen liburuaren hitzaurrean oinarritutako King Kong neska monologoa taularatuko du Josune Monton aktoreak.
Bebarruko Jardunek, Mataderoa, musika, antzerkia
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide