San Jose egunaren harira, Floreaga Ikastetxeak Gurasoen Jaia ospatuko du etzi, igandean. Bertako elizan 11:00etan egingo den mezarekin hasiko da festa eguna. Ondoren, 11:45ak aldera, euskal dantzen erakustaldia eta ipuin lehiaketaren sari banaketa ekitaldia egingo dituzte. Eguerdian, salda eta txistorra dastatzeko aukera izango dute ikasleek, gurasoek eta irakasleek. 12:15ean, futbolin, ping-pong eta areto futbol txapelketak jokatzen hasiko dira.
Floreaga Ikastetxeak azkoitiar guztiak gonbidatu ditu ekitaldietara, “lagunarteko giro onean ospa dezagun festa”.