Miguel Buen PSE-EEko Ahaldun Nagusia izateko hautagaia Miguel Raimundez Azkoitiko PSE-EEko zinegotziarekin eta Julio Astudillo Gipuzkoako Batzar Orokorretako PSE-EEko bozeramailearekin elkartu da gaur goizean Intsausti Jauregian.
Buenek adierazi du Foru Aldundiko “boterea eskuratzeko borroka” egingo duela. Halaber, Gipuzkoan “aberastasuna” sortzeko lan egingo dutela adierazi du, eta Azkoitiak duen komunikazio sarearen inguruan, “azpiegiturei berebiziko garrantzia” eman behar zaiela nabarmendu du. Ildo horretan, Azkoitia eta Urretxu lotzen dituen GI-631 errepidearen egoera jarri du adibidetzat. 