San Martin Eguneko ohiturari jarraituz, Azkoitiko haurrak gaur goizean goiz herriaren goiko partera joan dira, San Martin ermitako kanpaiak astintzera. Herriko zati handi batean entzun dituzte txikienek banan-banan soka gora eta behera ibilita atera dituzten kanpai-hotsak. Errezilen, Aian Urdanetan, Azpeitian Errebalean, Getarian Askizun eta Orion Ortzaikan ere ospatuko dituzte negu giroko festa hauek.