Jose Manuel Ibar Urtain boxeolari ibañarrietarraren bizitzari buruzko dokumentala estreinatuko dute gaur, asteazkena, ETB1 telebista katean eta Eitb.eus atarian. 22:15ean hasiko da Urtain, buztinezko idoloa izenburua duen ikus-entzunezkoaren emanaldia.
Hain zuzen ere, lan horretan Urtainek egindako ibilbidea eta hark esandakoak jaso dituzte. Haren esaldi ezagunetako bat izan zen, esaterako, honako hau: "Buztinezko idoloa naiz, eta nire buztingileak zuek izan zieneten: prentsa, irratia, telebista... Zuek egin eta desegin nauzue". Hortik dokumentalaren izenburua.