Azkoitiko Oteiza frontoietan ateratako argazki ofiziala aurkeztu du Euskadiko Orkestrak

Euskadiko Orkestraren argazki ofiziala, Oteiza frontoietan. (Alex Abril)

Joan den hilean, Oteiza frontoietan egin zuten argazki saioa, eta Alex Abril argazkilariak hartutako irudia izango da aurrerantzean orkestrak erabiliko duena. Euskadiko Orkestraren arabera, bere "jite eta izaerarekin" bat egiten du argazkirako aukeratu duten lekuak.

Denboraldi berriarekin batera, argazki ofizial berria aurkeztu du Euskadiko Orkestrak. Joan den hilean, Azkoitiko Oteiza frontoietan egin zuten argazki saioa, eta hango irudia izango da aurrerantzean orkestrak hainbat eremutan erabiliko duena. Besteak beste, orkestraren argitalpenetan, webgunean eta komunikabideetan argitaratuko dute Azkoitian ateratako argazki ofiziala, eta kontzertuak, jaialdiak eta birak iragartzeko ere erabiliko dute. Alex Abrilek ateratako argazkia da.

Euskadiko Orkestrak adierazi duenez, tradizioa eta modernitatea uztartzen dituen lekua da irudikoa, "euskal kulturaren funtsa bikain" jasotzen duena eta Euskadiko Orkestraren "jite eta izaerarekin" bat egiten duena.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide