Iosu Txapartegi Txapas soinujole zarauztarra eta Porrotx pailazoa Barakaldon (Bizkaia) dagoen Gurutzetako ospitalean izan ziren atzo goizean, Gabonetako zuhaitzaren argiak pizteko ekitaldian. Horrekin batera, Pediatria zein Onkologia sailetan ospitaleratuta dauden haurrei bisita egin zieten gelaz gela, opariak eta musuak banatu, argazkiak atera, abestu eta dantza egiteko.
Lan horretan, Aspanovas (Minbizia duten Bizkaiko haurren eta nerabeen gurasoen elkartea) izan zuten bidelagun, eta Gurutzetako osasun langileekin ere izan ziren.