Maria Zunzunegi psikologo zestoarra eta Azpeitiko bizilaguna elkarrizketatu du Iñigo Antsorregi azkoitiarrak EiTBko Korapiloak podcastaren bederatzigarren atalean. Hain zuzen ere, Antsorregiren psikologoa da Zunzunegi, eta "mahaiaren aldeak trukatuta", elkarrizketa "goxo" zein "atsegina" izan dute biek.
Zunzunegiri anorexia diagnostikatu zioten 13 urte zituela, eta hamar urte iraun zuen "borroka" hark. Lehen eta hirugarren pertsonan bizi izandakoak azaldu ditu zestoarrak.