Zestoako Rodeo taldeak urtarrilaren 23an, osteguna, kaleratuko du Ezherrian EP berria, eta atzo, asteartea, Herio kantuaren bideoklipa kaleratu zuten zestoarrek. Azpeitiko Gaztetxean eskaniko dute Ezherrian diskoaren aurkezpen kontzertua hilaren 24an Polybius eta Ezpalak taldeekin batera, 22:00etan hasita, eta bertan izango da zestoarren EP berriko abestiak aurrenekoz zuzenean entzuteko aukera.
Oier Arregi zestoarrak egin du Herio abestiaren bideoklipa, eta Rodeoko musikariak dira protagonistak, haiek jarri baitira aktore lanetan. Hona hemen Arregik sortutako bideoa: