Pasa den astetik isatsa falta zaio hondartzako dunan kokatuta dagoen Orioko baleari. Orioko Udalaetik jakinarazi dutenez, pasa den asteko haize boladen eraginez apurtu da balearen isatsa. Hasieratik, Orioko Udalaren asmoa izan da balea fibrazko oihal batzuekin eta epoxi erretxinarekin gogortzea, ondoren margotzeko eta apaintzeko. "Dena dela, esandako tratamendua eman ahal izateko eguraldi baldintza jakin batzuk behar dira. Gaur egun duguna baino hezetasun txikiagoa eta tenperatura epelagoa behar baititu produktuak lehortzeko". Horregatik, eguraldi baldintza aproposa iritsi arte balea egokitzeko zain daude.
Lekuz aldatzea
Horrez gain, Orioko Udalak ez dutela baztertzen balea lekuz aldatzeko aukera ere. "Haizearen norabidea aztertu eta txoko babes bat aurkitu nahi diogu baleari, berriz ere haizearen eraginez kalterik jasan ez dezan".