Euskarara itzuli dituen liburuez hitz egin du hizkuntzalari japoniarrak literatur saioan. Jose Luis Otamendi eta Koldo Aldalur azpeitiarrak ere agertu dira programan, eta Azpeitian grabatutako irudiak ere ikusi ahal izan dira.
ETB1eko Artefaktua saioan, Azpeitiarekin lotura zuzena duen hainbat lagun agertu zen atzokoan. Hiromi Yoshida japoniarra izan zen saioko protagonista nagusia, eta Jose Luis Otamendi idazlea eta Koldo Aldalur kazetaria ere agertu ziren programan. Euskaraz inprimatutako lehen liburua, Linguae Vasconum Primitiae, itzuli zuen Yoshidak euskarara orain dela hiru urte, eta duela gutxi, Nakahara poeta japoniarraren lan bat ekarri du euskarara. Besteak beste, lan horietaz aritu ziren hizketan, eta Azpeitiko hainbat irudi ere agertu zen saioan.
Hil honen hasieran grabatu zuten literatur saioa Azpeitian, eta atzo, igandea, eman zuten telebistan, 15:00etan hasita. Ikusi saioa osorik, hemen.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide