HARA! Nagore Aranburu azpeitiarra, Donostiako Zinemaldiaren irekiera ekitaldian aurkezle

Gaur iluntzean hasiko da 66. Donostiako Zinemaldia. Urtero legez, irekiera galarekin abiatuko dute zinemaldia, eta Nagore Aranburu aktore azpeitiarra izango da ekitaldia gidatuko duenetako bat, Belen Rueda aktorearekin batera. 21:00etan hasiko da irekiera ekitaldia Kursaal Auditoriumean. Zinemaldiaren webgunean eta ETB1 eta La2 telebista kateetan jarraitu ahal izango da irekiera gala.