HARA! Uxue Alberdiren eta Miel A. Elustondoren lanak, 'Berria'-ko literatur kritikarien 2017ko aipagarrienen zerrendan

2017an euskaraz argitaratutako liburu aipagarrienen zerrenda argitaratu zuen Berriak urtarrilaren 3an, egunkariko lau literatur kritikarien aukeraketan oinarrituta. Hamabi liburuk osatzen dute zerrenda hori –kritikari bakoitzak hiru aukeratu ditu–, eta tartean daude Uxue Alberdi Getariako bizilagunaren Jenisjoplin nobela eta Miel A. Elustondo azpeitiarrak euskaratutako Sorgin seinalea komikia, Gregorio Muro Harrietena.