Azkoitiko 'Maxixatzen' eta Orioko 'Karkara' izan dituzte hizpide, besteak beste.
Euskal Herriko hainbat herri aldizkariren izen misteriotsuak argitu dituzte Euskadi Irratiako Hiri Gorrian saioan. Horien artean, Orioko Karkara eta Azkoitiko Maxixatzen komunikabideak izan dituzte hizpide.
Miriam Garcia Karkarako kazetariak azaldu duenez, Alde Zaharreko kale estuei deitzen diote karkara Orion. "Normalean, kale nagusi baten atzean dauden kale estuak izaten dira, batetik bestera joateko zirrikitu horiek". Haren esanetan, karkara guztietan gertatzen dena kontatzen dute beren komunikabidean.
Olaia juaristi Maxixatzeneko kazetariak, berriz, Maxixatzen izenaren jatorria azaldu du: "Berez aditza da maxixau, eta aditz horretatik dator maxixatzen. Hitz horren sinonimoak dira marmarrean jardun, kotilleatu, txutxu-mutxuka aritu, kuxkuxeatu...". Juaristiren arabera, 1996. urtean Garikoitz Garmendia Maxixatzenen sortzaileetako baten amak kalean entzun zuen hitz hori. "Herriko hitza da, eta polita iruditu zitzaien. Hasieran zalantzak izan zituzten, pixka bat zaila zelako esateko. Uste zuten jendeari ahaztu egingo zitzaiola, baina azkenean horrekin egin zuten aurrera, eta 20 urtean ez zaigu ahaztu inori".
Irratsaioa osorik entzun daiteke lotura honetan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide