HARA! Eskualdeko zenbait pertsona ezagunek eman diote atxikimendua Sarek deitutako manifestazioari

Sare Herritarrak zapaturako deitutako manifestazioarekin bat egin dute eskualdeko zenbait lagun ezagunek. Presoen eskubideen, konponbidearen eta bakearen aldeko manifestazioarekin bat egin dute, besteak beste, Anari abeslaria azkoitiarrak, Mikel Aranburu eta Mikel Labaka Realeko jokalari ohi azpeitiarrek, Xabier Euzkitze aurkezle azpeitiarrak eta Asier Serrano Zarautzen bizi den musikariak eta idazleak.