Igande honetan, hilaren 2an, jokatuko dituzte Salbatoreetako Pilota Txapelketari dagozkion lehen bi finalak. Zehazki, kadete mutilen eta kadete zein jubenil emakumeen neurketa bana jokatuko dute, 18:00etatik aurrera, herriko frontoian.
Mutilei dagokienez, Urrestillak eta Ugartemendiak Ansolaren eta Labakaren aurka neurtuko dituzte indarrak. Emakumeetan, berriz, Sorondok eta Reyk Arratibel eta Galardi izango dituzte aurrez aurre.