Pintura Eguna egin dute gaur, igandea, Getarian. Tonpe Guraso Elkartea eta Lagunak taldeak prestatu du saioa haur eta gaztetxoentzat, eta guztira, 80 bat lagunek parte hartu dute. Haurrek marrazketako Gyotaku izeneko teknika lantzeko aukera izan dute Idoia Neves adituaren eskutik. Getariarrak berak azaldu ditu Japoniako metodo tradizional artistikoaren nondik norakoak.