Urtero bezala eta ohiturari jarraituz, Getariako EAJk Eguberri eguneko hamaiketakoa eskainiko du datorren astelehenean, abenduak 25, alderdiak Aldamar kaleko 22. zenbakian duen Batzokian.
Mokaduaren ordua 12:00 inguruan izango da, eta EAJko kideek jakinarazi dutenez, "aurtengoan berrikuntzak" izango dira. "Herritar guztiak gonbidatuta daude berriz ere Gabon giroan murgildurik bertara hurbildu eta Eguberriak denon artean ospatzera".
