Beatriz Egizabalek eta Cesar Marcosek tratu on eta txarren inguruko ipuin kontaketa ilustratua eskaini zuten atzo Errezilen, Azaroaren 25aren harira Saiaz mankomunitateak antolatutako egitarauaren barruan. Guztira Errezilgo, Albizturko eta Bidania-Goiazko LHko 105 ikasle eta irakasle elkartu ziren saioan, baita zazpi guraso ere.
Bihar, berriz, hilaren 24an, Tratu onak lantzen tailerrean parte hartuko dute San Martin Herri Eskolako ikasleek. Horretaz gain, Saiazko ordezkari politikoek genero ikuspegiaren gaineko formazioa jasoko dute gaur eta larunbatean, Gipuzkoako Foru Aldundiaren eskutik.
