Beizamarrek Olentzeroren eta Mari Domingiren bisita jasoko dute ostiral honetan, hilaren 22an. Hain zuzen, 18:00etan iritsiko dira herrira, eta Kolarpean elkartuko dira herritarrekin. Bertaratu nahi dutenek izena emateko azken eguna izango dute gaur, Ostatu Zaharrean.
Harrerara gerturatzen direnek Olentzero eta Mari Domingirekin kontu kontari jarduteko aukera izango dute, baita elkarrekin abesteko ere. Jarraian, Natur Eskolara joango dira, eta bertan haurrek etxetik ekarritako eskutitzak emateko aukera ere izango dute. Hotzari aurre egiteko txokolate beroa banatuko zaie bertaratzen diren guztiei.
Hirutsa elkarteak antolatu du harrera eta baserritar jantziarekin etortzera animatu ditu herritar guztiak.
