Astebete baino ez da falta San Sebastian jaietarako, eta umeak nahiz helduak bihar hasiko dira danborradetarako prestaketekin. Haurrek 16:00etan egingo dute lehen entsegua Izarraitz pilotalekuan, eta handik ordu batzuetara izango da helduen txanda; 21:00etan egingo dute entsegua.
Beste bi entsegu ere egingo dituzte umeen nahiz helduen danborradetarako; etzi eta etzidamu izango dira horiek, leku eta ordu berean. Hitzorduetako batzuetan Udal Musika Bandak zuzenean joko ditu danborradako piezak.