Gabonetarako antolatutako ekintzen barruan haurrentzako parkea zabaldu zuten atzo arratsaldean Izarraitz pilotalekuan. Atzokoan jende ugari bildu zen, eta bertan jarri dituzten puzgarrietan nahiz bestelako jolasetan ibiltzeko aukera izan zuten haurrek eta haien gurasoek.
Gabon parkea 10 urte bitarteko haurrentzako da, eta puzgarriak eta jolaserako txokoak adinezka banatuta daude. Puzgarriez gainera bestelako jolas asko daude bertan.
Gaur eta bihar ere zabalik izango da Izarraitz pilotalekuko haur parkea, 16:00etatik 20:00etara artean. Sarrera 2 euro da.
