Duchenne FM elkarteak antolatuta, DA Duchenne Azpeitia udalekuak egiten ari dira Loiolako aterpetxean abuztuaren 9tik 15era, eta egonaldiko ekintzarik bereziena eta hunkigarriena burutu zuten atzo: Xoxotera igoera, hain zuzen. DA Duchenne Azpeitia udalekuetako hamabi ume eta haiei laguntzeko prest agertu ziren 70 boluntario (60 umeak garraiatzeko aulki bereziak eramateko, eta 11 ibilgailu gidari) inguru igo ziren Izarraizko gailurrera atzo goizean, Loiolako Santutegiko aterpetxetik abiatuta.
Behin Xoxotera iritsita, aparteko giroan hamaiketakoa egin zuten, baita argazki jendetsua atera ere. Herrira itzultzean, berriz, Ikasberri ikastolako gimnasioan bazkaldu zuten, eta arratsaldean musika emanaldiarekin borobildu zuten eguna.