Gabonetako erakusleiho ikusgarria sortu dute Amenabar dendako Mikel Amenabarrek eta haren iloba Ainhoak. Maiatzean hasi ziren sortze prozesuarekin, eta etxe erraldoi bat egin dute, Gabon giroz jantzitakoa. Etxearen azpian, aldiz, Olentzero eta Maridomingi, Errege Magoak, gaztaina saltzailea eta beste hainbat pertsonaia irudikatu dituzte. Ikusmin handia eragin du erakusleihoak, eta herritar ugari bertaratu da Elizkalera Amenabarrekoek egindako eskulanaren emaitza ikustera. Dendako arduradunak oso gustura daude herritarrek erakutsitako babesarekin.