Orduak besterik ez dira gelditzen San Sebastian egunari ongietorria emateko. Haurren txanda larunbatean izango da, eta herriko ikastetxeetako ikasleak gogotik ari dira prestatzen kalerik kale egingo duten danborradarako. Atzo, asteazkena, egin zuten aurtengo bigarren entsegua, eta haurrek ere, helduak bezala, danborradako abesti guztiak jo zituzten. Ordubete inguruko prestaketa egin zuten beraien taldeko zuzendarien eta Unai Frantzezena Azpeitiko musika bandako zuzendarien laguntzarekin. Haurren artean denetariko iritziak badira ere, larunbata iristeko gogotsu daude ikasleak.