Ostiral Santuko arratsaldeko prozesioaren ondotik, kandelen argipean egin zuten atzo gauean Hilobirako Prozesio Santua Azkoitian. Azken urteetako ohiturari helduz, 21:30ean parrokiatik abiatu zen prozesioa, eta dozenaka herritarrek egin zuten bat, kandelak piztuta eta eskuetan hartuta. Jausoroko San Franzisko ermitara arte egin zuten prozesioa, han elkarrekin abesteko.
Aste Santuko ekintzak azkenetara iristen ari dira modu horretara. Parrokiak honako ekintza hauek prestatu ditu datozen egunetarako:
Gaur, larunbata. Pazko Bezpera.
- 21:00. Parrokian Pazko Gaubeila, euskaraz: sua, pazko suzia eta uraren bedeinkapena. Berpizkunde Meza.
Bihar, igandea. Pazko Igandea.
- 11:00. Pazko meza nagusia.