Azken urteetan bezala, Pazko asteko larunbatez egingo dute haurren danborrada Azkoitian, eta ordu gutxiren faltan, azken prestaketa lanekin dihardute. Egun handirako "gogoz" daude gaztetxoak.
17:00etan hasita, herriko kaleak girotuko dituzte danbor eta barrika doinuekin. HH5etik LH6ra arteko haurrek parte hartuko dute danborradan: HH5ekoak sukaldari txiki moduan aterako dira; LH1ekoak, gastadore, karrozan edo kantinera; eta LH2tik LH6ra arteko neska-mutilek joko dute danborra. Aurten, gainera, aspaldiko urteetan ez bezala, arkatza eta paella ontzia eramaten dituztenak ere aterako dira.
