Sagardoaren bueltako udaroko hitzordua izango dute datorren larunbatean Aizarnazabalen, 11. urtez egingo dute sagardo txapelketarekin. Iaz bezala, hamahiru sagardogilek parte hartuko dute txapelketan, eta hain zuzen, joan zen urteko ekoizle berberak izango dira aurtengo lehiakideak: Eula, Gaztañaga, Aburuza, Añota, Akarregi, Altzueta, Alorrenea, Petritegi, Bereziartua, Egi Luze, Ekain, Urdaira, Izeta.
Larunbatean, 18:00etan hasiko da Aizarnazabalgo Sagardo Txapelketa herriko plazan, eta epaimahaiak ez ezik, bertaratzen diren herritarrek ere izango dute sagardoa dastatzeko aukera, pintxoekin lagunduta.
Iaz jokatutako txapelketan, Petritegi nagusitu zen. Astigarragako (Gipuzkoa) sagardotegiak 93 puntu jaso zituen, bigarren sailkatu zen Alorreneak 91 puntu, eta hirugarrena izan zen Altzuetark, 90 puntu.