Uztailaren 18an, larunbatez, egingo dute Aizarnazabalgo Sagardo Txapelketa. Aurten, 11. aldia izango du txapelketa horrek, eta iaz bezala, aurten ere hamahiru sagardotegik parte hartuko dute lehian: Eula, Gaztañaga, Aburuza, Añota, Akarregi, Altzueta, Alorrenea, Petritegi, Bereziartua, Egi Luze, Ekain, Urdaira, Izeta. Sagardotegi horiek guztiak iazko txapelketan izandako sagardotegiak dira.
18:00etan hasiko dute sagardo txapelketa herriko plazan, eta epaimahaiko kideek ez ezik, herritarrek ere izango dute parte hartzaileen sagardoa dastatzeko aukera. Edatekoarekin batera, askotariko pintxoak dastatu ahal izango dituzte Aizarnazabalera hurbiltzen direnek.
Iaz jokatutako txapelketan, Petritegi nagusitu zen. Astigarragako (Gipuzkoa) sagardotegiak 93 puntu jaso zituen, bigarren sailkatu zen Alorreneak 91 puntu, eta hirugarrena izan zen Altzuetark, 90 puntu.