Irailaren hondarrak San Migel festak eramango ditu Aizarnazabalera, eta horien baitan, haurren danborrada egingo dute irailaren 28an, igandez. Gaurtik aurrera danborradan izena eman dezakete herritarrek; horretarako, esteka honetako formularioan haurraren izen-abizenak eta adina zehaztu beharko dituzte. Abuztuaren 31an, igandea, amaituko da izena emateko epea, udalak jakinarazi duenez.
Ikasturte berrian Haur Hezkuntzako 4. mailatik Lehen Hezkuntzako 6. mailara bitartean ariko diren haurrek har dezakete parte.