San Donato eta San Lorentzo festak ospatzen hasiko dira laster Aian, eta umeek ere haien eguna izango dute aurtengo jaietan. Hain zuzen ere, abuztuaren 8rako egun osoko egitaraua osatu dute herriko txikienak ere festa giroan murgildu daitezen.
Egitarauaren barruan, familien bazkaria izango da 14:00etan, eta otordura gerturatzeko asmoa dutenek, bihar eta etzi izango dituzte bazkariko txartelak eskuragai, 17:30etik 19:30era igerilekuko tabernan, 15 euroan. Menuari dagokionez, iberikoak, urdaiazpiko kroketak eta oilaskoa parrillan emango dute, baita edaria eta kafea ere. Postrerako izozkia emango dute, eta menu beganoa ere aukeran izango da.
Hona hemen Umeen Eguneko egitaraua:
Abuztuak 8, larunbata
- 10:00. Diana, herriko kaleetan zehar.
- 11:30. Haur eta gazteentzako jolasak, plazan.
- 14:00. Familien bazkaria, Euskal Parrillaren eskutik.
- 16:30. Apar festa eta puzgarriak.
- 19:30. Kalejira buruhandi eta trikitilariekin, herriko kaleetan zehar.
- 21:30. Kontzertuak: Gozategi, Zopilotes Txirriaos eta Afonica Naranjo.
- Ondoren, Indate DJa.