Egun polita ari da izaten gaurkoa Aian. Izan ere, 19:00etan Errege Magoen bisita jasoko dute herrian, baina aurrez, eguerdi partean, probalekuan Ekain pailazoaren ikuskizunaz gozatu ahal izan dute herriko umeek nahiz haien gurasoek, eta ondoren Erregeen Karterua ere bertaratu da, umeen gutunak banan-banan jasotzeko, eta zintzoak izan al diren galdetzeko. Horiek goxoki batzuk patrikaratuta itzuli dira etxera.
Eguraldi txarra dela eta, herri batzuetan aldatu egin dituzte gaur arratsaldeko kabalkaden ibilbideak, edo horiek kendu egin dituzte eta toki bakarrean egingo dute ekitaldia. Aian, azken unera arte itxoingo dutela esan diote antolatzaileek hedabide honi. Euria bada, probalekuan elkartuko dira Meltxor, Gaspar eta Baltasar. Ateri bada, ohi bezala hilerri aldetik joango dira plazara, eta handik elizako zimitoriora.
