Urola Kostako Ernaik etxebizitza eskubidearen aldeko mobilizazioa deitu du gaur arratsalderako. Zumaian bizi ahal izateko "burujabetza eta politika sozialistak" aldarrikatuko dituzte 19:00etatik aurrera Saregileen plazan egingo duten elkarretaratzean.
Etxebizitza "negozio izatetik eskubide izatera pasatzeko" urratsa eman dadin exijituko du Ernaik, horregatik, Etxebizitza duinaren alde, urrats bat aurrera! leloarekin mobilizatuko da gaur arratsaldean.
Bihar asanblada Etxapen
Bestalde, Urola Kostako Kontseilu Sozialistak eta Etxebizitza Sindikatuak asanblada deitu dute biharko. Etxebizitza eskubidearen aldeko nahiz espekulazioaren kontrako borrokak artikulatzeko asmoz bilduko dira Etxape Zentro Sozialistan, 18:30etik aurrera.