Olagarroaren bueltako festa egunean kirolak ere izaten du tarterik. Goizean jokatu dute Olagarro Eguneko XVIII. kuadrillen arteko estropadaren bandera. Aurten, 40 talde izan dira lehian, Itsas kiroldegia eta moila arteko estropada eremuan. Joan eta etorria egin behar izan dute taldeek, ziaboga bakarrarekin.
Sailkapen orokorrari dagokionez, Eterna izeneko talde mistoa izan da azkarrena, 4:11.56 denborarekin. Emakumeek osatutako batelen estropada, berriz, Zugea bagea taldeak irabazi du, 5:01.35 denbora eginda.
Arratsaldean banatu dituzte irabazleentzako banderak, Kofradian egindako ekitaldian.