Kontrol mentala lantzen ikastea helburu duen Gogamena kontrolatzeko ikastaroa antolatu du Zumaiako Udalak. Urriaren 8an hasi eta azaroaren 26ra bitartean eskainiko dute ikastaroa, eta ostegunetan izango dira saioak, 18:30etik 20:00etara, Foronda kultur etxean.
Silva izeneko metodoaren bitartez, kontrol mentala lantzeko tresnak jasoko dituzte parte hartzaileek ikastaroan.
Interesa dutenek bihartik irailaren 28ra bitartean izango dute ikastaroan izena emateko aukera, Alondegian, 09:30etik 14:00etara, 943 861 056 telefonora deituta edo alondegia @zumaia.eus helbidera idatzita. Saioak gazteleraz emango dituzte, eta udalak jakinarazi duenez, ikastaroa doakoa izango da, baina plaza mugatuak izango ditu.