Amaitu da Larretxoko frontoi txikian jokatzen ari den eskuz binakako pilota txapelketako ligaxka fasea. Atzo arratsaldean jokatu zituzten ligaxkako azken partidak, eta hala erabakita geratu da faseko sailkapena. Eritzek eta Olaizolak amaitu dute ligaxka lehen postuan, 12 punturekin; bigarren Txortena eta Jurgi izan dira, 11 punturekin; eta 9 puntutara berdinduta Saizar-Unanue bikotea hirugarren, eta Loinaz-Alto laugarren.
Datorren astelehenean, hilaren 17an jokatuko dituzte txapelketako finalerdiak, 19:30ean hasita. Honakoak izango dira neurketak: Olaizola eta Eritz, Loinaz eta Altoren aurka arituko dira, eta Txortena eta Jurgi, Saizar eta Unanueren aurka.