Jon Ander Iribar Zumaiako eskubaloi jokalariak BM Contazara Zaragoza klubean jokatuko du hurrengo denboraldian ere, Bidasoa Irun klubak utzita. Pasa den denboraldiaurrean adostu zuten lagapen hitzarmena bi taldeek, eta beste urte batez berritu dutela jakinarazi du Irungo (Gipuzkoa) klubak.
Bidasoaren arabera, Iribarrek Zaragozan egin duen bide "emankorrari" segida emateko aukera emango du hitzarmenaren berritzeak, talde horretako "pieza garrantzitsua" bilakatu baita zumaiarra. Azken denboraldian bezala, Zilarrezko Ohorezko Mailan jokatuko du Iribarrek.