Sorpresa aurkitu dute gaur goizeko lehen orduetan Zarautz eta Zumaiako tren geltokietako erabiltzaileek. Izan ere, Euskotreneko langileek esandakoaren arabera, gauez merkantziak garraiatzeko erabiltzen duten tren bat errailetatik atera da, eta horrek bi herrien arteko tren zerbitzua eten beharra eragin du.
Trena berriro ere errailen gainean jartzeko lanak egiteko egun osoa beharko dutela ere esan diete langileek erabiltzaileei. Ondorioz, bi herrien arteko bidea autobusez egiten ari dira herritarrak. Dena den, Zarautzera iritsita berriro trenera igotzeko aukera dute.