Eguraldi txarra ez dute aitzakia izan Zumaian eguerdirako prestatutako inauterietako ekitaldiak egiteko. Tarteka euria egin arren, eguerditik aurrera Zumai txarangak alaitu ditu herriko kaleak eta plazak. Aurrez prestatuta zituzten mozorroekin kalera atera diren zumaiarrak ere izan dira eguerdi partean.
Iluntzera bitartean festarako hainbat ekitaldi izango dira Zumaian, baina eguraldiaren iragarpenak kontuan hartuta, arratsaldeko mozorro festa Eusebio Gurrutxaga plazan egin beharrean, Komentuko kaperan egingo dute.
Gaurko egitaraua honakoa da:
17:00. Komentuko kaperan, inauterietako mozorro festa.
18:00. Komentuko kaperan, haurren mozorro lehiaketa.
18:30. Herriko kaleetan zehar, kalejira Hamarru elektrotxarangarekin.
18:30-21:00. Oxford aretoan, argazki txokoa.
22:00. Kofradiako plazan, diskoteka.