Alokairuan bizitzea errazteko dirulaguntzak banatuko ditu beste urte batez Zumaiako Udalak. Dagoeneko egin daiteke eskaera –irailaren 30era artean egongo da irekita deialdia–, eta baldintzak betetzen dituztenek 150 eurora arteko laguntza jaso ahal izango dute hilabetero.
18 eta 35 urte bitarteko zumaiarrek hemen egin ahal izango dituzte eskaerak telematikoki; 36 urtetik gorakoek, berriz, hemen.
Iaz bezala, aurtengoan ere zenbait baldintza bete beharko dituzte eskatzaileek laguntza jasotzeko. Horien artean dira gehienezko diru sarreren mugak –28.000 euro haztatu urtean eskatzaile bakarra bada, 38.000 bizikidetza-unitateetan–.
Deialdiaren inguruko informazioa hemen eskura daiteke. Zalantzak argitzeko, Etxebizitza bulegoarekin jar daiteke harremanetan, telefono bidez 943 86 50 25 telefonora deituta, eta posta elektroniko bidez etxebizitzabulegoa@zumaia.eus mezua bidalita.