Gaur emango diote hasieran 53. Dinastia Etxabe pilota txapelketari. Final zortzirenetako bi jardunaldi jokatuko dituzte aste honetan, 23 urtez azpikoen kategorian, eta horietatik lehena izango da gaur jokoan Aitzuri frontoian, 21:00etan hasita –asteazkenean jokatuko dute bigarren jardunaldia–. Bi jardunaldi horietako irabazleak final laurdenak jokatzera pasatuko dira.
Bi partidaz osatuko da gaurko jardunaldia. Lehen partidan Etxeberria eta Sotil Igoa eta Garañoren aurka arituko dira. Bigarrenean, Cestau eta Xhoe Lazkoz bikoteak Apaolaza eta Albeniz izango ditu aurrez aurre. Hasiera batean, Jorge Fernandezek jokatu behar zuen partida hau Albenizekin, baina azken orduko gaixotasuna dela medio, ezingo du Zumaian egon eta Apaolazak jokatuko du haren ordez.
Adituek "errebantxa" hitza erabili dute gaurko jardunaldia definitzeko. iaz Dinastia Etxabeko finala galdu zuen Julen Sotilek eta beste bi, Cestau eta Garaño, finalaren atarian geratu ziren. Iazko lanak amaitzeko gogoz itzuliko dira dira aurten Zumaiara.