2025eko santelmoak iragana dira dagoeneko. Ez da izango tripitiziorik, eta berriro kresalak blaitutako jaiez gozatzeko datorren urtera arte zain egon beharko dute herritarrek.
Azken egunak ere izan zituen une gogoangarriak, Zumai txarangaren goiz soinuarekin hasi, zaldi lasterketekin jarraitu eta trainerillen estropadekin segituta. Nekea jada bere efektua egiten hasia zen, baina dozenaka lagunek jarraitu zuten kalean gauerdia heldu arte. Une horretan, San Telmo martxa heldu zen beste behin ere, eta musika horrek lagunduta jaitsi zuten Kofradiako bandera, aurtengo jaiei amaiera 'ofiziala' emanez. Festak amaituta ere, jai giroarekin jarraitu zuten batzuek.
Hurrengo urtean, berriz.
