Portugaleten izan dira gaur ETE eta KAE 2 ligetako jardunaldiak. Emakumezkoek asteburu honetako lehen hitzordua zuten gaurkoa, eta bikain aritu dira Zarauzko eta Zumaiako traineruak. KAE 2 ligan, berriz, Oriok ezin izan dio atzoko garaipenari eutsi, eta bigarren egin du, Portugalete etxekoen atzetik.
ETE ligako estropada jokatu dute lehenbizi. Bigarren txandan aritu dira Zarautz Gesalaga Okelan eta Zumaiako Telmo Deun, eta lehen luzean zarauztarrak izan dira bizkorrenak. Behin ziaboga emanda, ordea, Kaikuk eta Zumaiak segundo batzuk irabazi dituzte, eta azken metroetara arte lehia bizia izan dute hiru ontziek. Kaikuk eskuratu du garaipena, eta bi segundo beranduago helmugaratu dira Zumaia eta Zarautz, hurrenez hurren, bigarren eta hirugarren. Sailkapen orokorrean bigarren da Zumaia Kaiku liderra baino bi puntu gutxiagorekin, eta laugarren Zarautz.
SAILKAPENA
| ELKARTEA | DENBORA | ||
|---|---|---|---|
| 1º | Kaiku Nortegas | 10:51,84 | |
| 2º | Zumaiako Telmo Deun A.k.e.. | 10:53,65 | |
| 3º | Zarautz Gesalaga Okelan | 10:53,92 | |
| 4º | Astillero | 11:06,01 | |
| 5º | Deusto-bilbao | 11:11,70 | |
| 6º | Ondarroa | 11:14,55 | |
| 7º | Hernani | 11:16,45 | |
| 8º | Portugalete | 11:45,51 |
Jarraian, KAE 2 ligako estropadari eman diote hasiera. Bigarren txandan aritu da Orioko gizonezkoen bigarren taldea, eta estropada ondo hasi badu ere, Portugalete etxekoak lehen ziabogara heltzerako hartu du aurrea. Gertutik jarraitu dute oriotarrek, baina azken luzean Portugaletek alde handiagoa ateratzea lortu du, eta beraiek eskuratu dute etxeko bandera. Dena den, Orio da nagusi sailkapen orokorrean, 7 puntuko aldearekin.
SAILKAPENA
| ELKARTEA | DENBORA | ||
|---|---|---|---|
| 1º | Portugalete | 20:27,78 | |
| 2º | Donostiarra | 20:43,85 | |
| 3º | Orio | 20:50,37 | |
| 4º | San Juan CMO Valves | 20:51,11 | |
| 5º | Hibaika Arraun Elkartea | 20:54,70 | |
| 6º | Mutriku | 21:06,59 | |
| 7º | Astillero | 21:07,89 |