EH Bilduk irabazi ditu udal hauteskundeak Zumaian. Gehiengo osoa berretsi du, botoen %54,42 lortuta (2641 boto). EAJk, berriz, bozen %32,5 jaso du (1577 boto), eta PSE-EEk botoen %10,28 (499 boto). Hiru alderdi horien ordezkariekin osatuko da, horrenbestez, udalbatza datozen lau urteetan: EH Bilduk hamar zinegotzi izango ditu -joan den agintaldian baino bat gehiago-, EAJk sei -joan den agintaldian baino bat gutxiago-, eta PSE-EEk bat. Beraz, Iñaki Ostolaza izango da Zumaiako alkatea 2023-2026 agintaldian.
Guztira 4.915 pertsonek eman dute gaurkoan botoa, zumaiarren %62,61ak, hain zuzen. 2019ko datuekin alderatuta, ordea, parte hartzeak behera egin du; izan ere, %70,18koa izan zen orduan parte hartzea. Abstentzioa, aldiz, %37,39koa izan da aurten, orain dela lau urte baino ia hamar puntu gehiago (%29,82). 90 izan dira boto zuriak (%1,85), eta 62 baliogabeak (%1,28).
