Zuloa estalita, zabaldu dute Zumaiako Moilaberriko zubia

Zabalik dago Moilaberriko zubia. (Baleike.eus) Zubiko xafla zati oso bat falta zen gaur goizean Zumaiako Moilaberrin, eta udalak zubia ixtea erabaki du gaur goizean. Dena den, zuloa tapatu dute ordu gutxitan, eta dagoeneko zabalik da oinezkoentzat pasabidea. Moilaberriko zubiaren azalera osatzen duten xaflen egoera nahiko ahula da azken aldian, batez ere, Moilaberriko aldean. Orain egun batzuk ere, zati bat hautsita agertu zen. Udalak irail aldean zubia berritzeko lanak egitea aurreikusten du.