Ibilbide bikaina egin ostean, Naroa Agirre eta Maddi Barrokal garaile izan dira Udara Caixabank pilota txapelketan. Gaur, ostirala, jokatu dute txapelketako finala, 19:00etan, Iruñeko Labriten Iera Iturriaga eta Amaia Arrastiaren kontra. 22 eta 8 eginda txapelketa eskuratu du Agirre-Barrokal bikoteak.
Ados Pilotak antolatutako eta CaixaBankek babestutako txapelketak sei bikote izan ditu lehian pilota txapelketan. Barrokal-Agirre bikoteak ligaxkako partida giuztiak irabazi zituzten, jokoan erabateko nagisitasuna erakutsiz. Ligaxkako sailkapeneko lehen bi bikoteek lortu zuten gaurko finalerako txartela.
Udara Caixabank txapelketa uztailean hasi zuten Uztarrozen (Nafarroa), eta uda osoan Euskal Herriko hainbat herritako pilotalekuetan lehiatu dira: Ezkaroze, Gares, Lantaron, Mendigorria, Latasa, Leitza, Arantza, Oibar, Aiegi, Auritz, Agoitz eta Azkoitia, besteak beste.
